مقبوضہ جموں کشمیر : ''ایس آئی اے'' نے بڑے پیمانے پر کریک ڈاؤن آپریشن شروع کر دیا

مقبوضہ جموں کشمیر : ''ایس آئی اے'' نے بڑے پیمانے پر کریک ڈاؤن آپریشن شروع کر دیا

  

نظا عدل نیوز

17مئی 2025

بھارت کے غیر قانونی زیرقبضہ جموں کشمیر میں نئی دہلی کے زیرکنٹرول سٹیٹ انویسٹی گیشن ایجنسی (ایس آئی اے) نے مختلف علاقوں میں بڑے پیمانے پر چھاپوں کا سلسلہ شروع کر دیا ہے۔

 ''ایس آئی اے '' کی ٹیموں نے بھاتی پیراملٹری اور پولیس دستوں کے ہمراہ سرینگر ، گاندربل، بارہمولہ، سوپور، کپواڑہ اور ہندواڑہ میں مختلف مقامات پر چھاپے مارے۔آخری اطلاعات تک چھاپوں کا سلسلہ جاری تھا۔

یاد رہے کہ بوکھلاہٹ کا شکار مودی حکومت نے پہلگام فالس فلیگ آپریشن کی آڑ میں آزادی پسند کشمیریوں کے خلاف پُرتشدد کارروائیوں کا سلسلہ تیز کر دیا ہے ۔ بھارتی فورسز نے 22اپریل سے اب تک تین ہزار سے زائد کشمیریوں کو گرفتار کر کے تفتیشی مراکز میں پہنچا دیا ہے ۔