ملکی تاریخ میں پہلی دفعہ 67 ہزار عازمین حج سے محروم رہیں گے، ایسا کیوں ہوا ؟ اہم تفصیلات جانیے

نظام عدل نیوز

23مئی 2025

وفاقی وزیرمذہبی امور نے اپنے بیان میں کہا کہ 

نجی اسکیم کے تحت 25 ہزار عازمین حج کیلئے جائیں گے وفاقی وزیر مذہبی امور سردار یوسف نےمذید کہا ہے کہ رواں برس نجی حج اسکیم کے تحت رواں برس 25 ہزار عازمین جاسکیں گےانہوں نے پریس کانفرنس  کرتے ہوئے کہا کہ اب تک حج کے حوالے سے جو ہوچکا ہے وہ بتانا چاہتا ہوں، حج پالیسی نومبر میں منظور ہوئی تھی اور میں نے مارچ میں وزارت کا چارج سنبھالا ہے

انہوں نے کہا کہ دو مرتبہ سعودی عرب جاکر انتظامات دیکھے ہیں، سرکاری اسکیم کا مکمل کوٹہ استعمال ہو رہا ہے، نجی اسکیم کے پیسے بروقت ٹوور آپریٹرز نہ بھیج سکے، نجی اسکیم میں سعودی عرب کے احکامات پر عمل نہیں کیاگیا۔

فائل نیوز

ان کا کہنا تھا کہ ڈیڈ لائن کے حوالے سے ٹوورآپریٹرز نے سستی دکھائی، سعودی حکومت نے دو ہزار کوٹہ والی کمپنیوں کو ہی کوٹہ دینے کا طے کیا، ہوپ نے 41 کلسٹر بنائے، ہوپ نے 14 فروری تک 25 فیصد رقم جمع کرانا تھی۔وفاقی وزیر مذہبی امور نے کہا کہ 14 فروری تک بہت کم رقم جمع کرائی گئی، 48 گھنٹے اضافی دیے گئے تو پھر بھی 10 ہزار مزید کی رقم جمع ہوئی، سعودی عرب سے وزیر خارجہ نے رابطہ کیا تو پاکستان سمیت باقی مسلم ممالک کو 10 ہزار کا حج کوٹہ ملا، 25 ہزار عازمین حج اس سال نجی اسکیم کے تحت جاسکیں گے۔