دکھی انسانیت کی خدمت کیلئے تھیلیسیمیا کے شکار بچوں کے علاج اور ادویات کی فراہمی میں تعاون کریں

اسلام آباد

نظام عدل نیوز 

8مئی 2025

الاقصیٰ ویلفیئر ٹرسٹ کے بانی صدر اور ایدھی آف آزاد کشمیر محمد حمید خان نے کہا ہے کہ مخیر حضرات دکھی انسانیت کی خدمت کیلئے تھیلیسیمیا کے شکار بچوں کے علاج اور ادویات کی فراہمی میں تعاون کریں تاکہ ان غریب اور نادار لوگوں کی مدد کی جاسکے، این پی سی کے صدر اظہر جتوئی سمیت تمام دونرز کا شکر گزار ہوں جو اس نیک کام میں تعاون کر رہے ہیں،ت اور انکے تعاون کی وجہ سے ہی خدمت کا یہ سلسلہ جاری ہے،وہ تھیلیسیمیا کے عالمی دن کے موقع پرنیشنل پریس کلب اسلام آباد مین ہونے والی خصوصی تقریب سے خطاب کر رہے تھے،تقریب کا آغاز تلاوت کلام پاک سے ہوا ،الاقصیٰ ویلفیئر ٹرسٹ کے محمد الیاس قریشی نے تقریب میں نظامت کے فرائض سرانجام دیئے،قاری سلیم نے تلاوت جبکہ حسیب اللہ نے نعت رسول مقبول پیش کرنے کی سعادت حاصل کی، اس موقع پر تھیلیسیمیا کے شکار بچوں کے والدین جن میں باغ آزاد کشمیر سےعبدالقیوم ، اٹک سےقاری سلیم، پلندری آزاد کشمیر سے جمیلہ اخترو دیگر شامل تھے کا کہنا تھا کہ ایدھی آف آزاد کشمیر حمید خان کے شکر گزار ہیں کہ وہ تھیلیسیمیا کے شکار غریب بچوں کی خدمت کر رہے ہیں، انہوں نے اپنی زندگی کے دن رات انکے لئے وقف کر رکھے ہیں،محمد حمید خان بے سہارا لوگوں کا سہارا بنے ہوئے ہیں، وہ بلا تکلف خدمت کا یہ سلسلہ جاری رکھے ہوئے ہیں ،قرآن مجید میں اللہ تعالیٰ فرماتا ہے کہ جس نے کسی ایک جان کو بچایا تو گویا اس نے پوری انسانیت کو بچایا،والدین کا کہنا تھا کہ جس کے بچے تھیلیسیمیا کے مسائل کی وجہ سے تڑپتے ہیں ان کا درد وہی سمجھ سکتے ہیں جو اس کیفیت سے گزر چکے ہوں۔ حمید صاحب ایسے لوگوں کیلئے اللہ کا تحفہ ہیں جو خدمت کا یہ سلسلہ جاری رکھے ہوئے ہیں ، حکومت تھیلیسیمیا کے شکار بچوں کیلئے تھیلیسیمیا سنٹر قائم کرے تاکہ غریب لوگ اس سے فائدہ اٹھا سکیں۔ معروف انٹرنیشنل ہسپتا ل کی نمائندہ روبینہ اختر نے تقریب سے خطاب کرتے ہوئے کہا کہ ہم بچوں اور بڑوں میں بیماریوں سے متعلق آگاہی پیدا کرتے ہی۔ تھیلیسیمیا پیدائشی بیماری ہے ڈونرز سے التماس ہے کہ اس میں دل کھول کر عطیات دیں تاکہ اس بیماری کے شکار بچوں کی تکلیف سے بچایا جا سکے،اس موقع پر چیئرمین پاکستان تحریک نجات ملک محمد فاروق نے کہا کہ تھیلیسیمیا ایک موت ہے ،حکومت اس کیلئے سنٹر بنائے، حمید خان اللہ کی طرف سے تھیلیسیمیا کے شکار بچوں کیلئے خاص تحفہ ہیں، اس طرح کے چند لوگ ہوتے ہیں جو خدمت کا سفر جاری رکھے ہوئے ہیں، حمید خان اور انکی ٹیم مبارکباد کے مستحق ہیں،نیشنل پریس کلب اسلام آباد کے صدراظہر جتوئی نے کہا کہ حمید خان المعروف ایدھی آف آزاد کشمیر کا شکر گزار ہوں کہ وہ تھیلیسیمیا کے شکار بچوں کی خدمت کر رہے ہیں جو کہ انتہائی خوش آئند بات ہے، یہ مرض دنیا میں بڑی تیزی سے پھیل رہا ہے، انہوں نے حکومت سے مطالبہ کیا کہ تھیلیسیمیا کے ٹیسٹ کو لازمی قرار دیا جائے، تاکہ نئی نسل کو اس مرض سے بچایا جا سکے،تقریب کے آخر میں بچوں میں نقد عطیات بھی تقسیم کئے گئے۔