سپریم کورٹ آزادجموں وکشمیر کی گولڈن جوبلی

مظفرآباد

نظام عدل نیوز 

13ستمبر 2025

چیف جسٹس پاکستان جسٹس یحییٰ آفریدی کی سپریم کورٹ آزادجموں وکشمیر کی گولڈن جوبلی کے سلسلہ میں منعقدہ جوڈیشل کانفرنس میں شرکت کے لیے سپریم کورٹ آزادجموں وکشمیر مظفرآباد آمد۔ چیف جسٹس آزادجموں وکشمیر جسٹس راجہ سعید اکرم خان، سینئر جج سپریم کورٹ جسٹس خواجہ محمد نسیم، جج سپریم کورٹ جسٹس رضا علی خان نے چیف جسٹس پاکستان کا استقبال کیا۔ اس موقع پر آزادکشمیر پولیس کے چاق وچوبند دستے نے چیف جسٹس پاکستان جسٹس یحییٰ آفریدی کو گارڈ آف آنر پیش کیا۔ اس موقع پر چیف جسٹس پاکستان نے گولڈن جوبلی مانومنٹ کا افتتاح کیا۔ دریں اثناء چیف جسٹس آزادجموں وکشمیر جسٹس راجہ سعید اکرم خان، سینئر جج سپریم کورٹ جسٹس خواجہ محمد نسیم اور جج سپریم کورٹ جسٹس رضا علی خان نے چیف جسٹس پاکستان جسٹس یحییٰ ٰآفریدی کو روایتی کشمیری شال اور تحائف پیش کیے۔