اسلام آباد کیپیٹل پولیس کا ٹریفک قوانین کی خلاف ورزی کرنے والے عناصر کیخلاف کریک ڈاون

اسلام آباد نظام عدل نیوز 

تفصیلات کے مطابق اسلام آباد کیپیٹل سٹی پولیس آفیسر ڈاکٹر اکبر ناصر خاں کے خصوصی احکامات کی روشنی میں اسلام آباد کیپیٹل پولیس وفاقی دارالحکومت اسلام آباد میں مربوط ٹریفک کے نظام کو قائم کرنا اور ٹریفک قوانین پر عملدرآمد کو یقینی بنانے کیلئے ہمہ وقت مصروف عمل ہے،اس سلسلے میں اسلام آباد کیپیٹل پولیس نے ہیلمٹ کے بغیر موٹرسائیکل چلانے والے ڈرائیورز کیخلاف خصوصی مہم جاری رکھتے ہوئے رواںسال04ہزار06سوسے زائد ڈرائیورز کے خلاف قانونی کارروائیاں کی ، جبکہ متعدد موٹرسائیکلوں کو مختلف تھانہ جات میں بند بھی کیا گیا،شہریوں کو روڈ سیفٹی اور ٹریفک قوانین کے متعلق آگاہی فراہم کرنے کیلئے اسلام آباد کیپیٹل پولیس کے خصوصی دستوںنے مختلف سرگرمیوں کے دوران شہریوں کوآگاہی بھی فراہم کی،اس ضمن میں شہریوں سے اپیل کی ہے کہ موٹر سائیکل چلاتے وقت اپنی اور دوسروں کی جانوں کے تحفظ کو یقینی بنائیں، موٹرسائیکل چلاتے وقت ہیلمٹ کا استعمال ضرورکریں یہ آپ کی قانونی ذمہ داری اور تحفظ بھی ہے،والدین کم عمر بچوں کو موٹرسائیکل چلانے کی ہرگز اجازت نہ دیںاور ٹریفک قوانین پر عملدرآمد کو یقینی بنائیں،شہریوں کے جان ومال کے تحفظ کو یقینی بنانے اور شہرمیں مربوط ٹریفک کا نظام اسلام آباد کیپیٹل پولیس کی اولین ترجیحات میں شامل ہے۔